香港人流住打邊爐嘅血！所以即使天氣幾熱都好，依然熱愛打邊爐，反正室內有冷氣嘛！今次就為大家推介幾間特色打邊爐，有辣有唔辣，任君選擇，最重要係有得揀！
1.大滾友
位於元朗的「大滾友」，室內裝潢主打宮廷風格，勁啱打卡！無論是桌椅還是燈飾，都一絲不苟，彷彿有個「小二」會走出來。但食店最重要都是食物質素，「大滾友」的湯底相當有特色，滋補花膠雞湯、勁Hit卜卜蜆、夏天最啱消暑冬瓜瑤柱鍋，罕有的椰子雞蕃薯蜆濃湯等等，都有相當好評。
至於打邊爐最重要的牛肉，「大滾友」又有四國牛肉拼盤，亦有4A和牛拼盤，雪花分佈完美，令人垂涎三尺，另外海鮮拼盤亦相當呃like，賣相勁豪華。其他火鍋特色配料還有黑松露蟹肉餃、紫菜腐皮卷、鵝肝墨魚丸等，勁多選擇。
地址：元朗鳳攸南街9號好順利大廈一座地下G4-G5號舖
電話：36184885
營業時間：12:00 - 23:45
2.煮漲天下重慶老火鍋
講到食辣，不得不提重慶火鍋，元朗的「煮漲天下重慶老火鍋」，特色香辣鴛鴦鍋辣得勁過癮，一邊是青花椒、紅花椒麻辣湯，另一邊是清香蕃茄湯底，而「煮漲天下」有自家的熊仔牛油，放在鍋中慢慢融化，十分可愛，更為湯底添上牛油香，不過熊仔牛油每日限量供應，想食就要提早預訂啦！
其他火鍋配料還有極上本地手切牛肉，自家製手打丸等，最近又引入串燒，總之想過一個重口味之夜，來這裡就對了！
GOODEAL客戶獨享煮漲天下重慶老火鍋$200現金劵優惠！
地址：元朗鳳攸南街3號好順景大廈地下3號舖
電話：23113180
營業時間：17:00 - 00:00
3.文成記
位於大角咀的「文成記」，位於角落位置甚有隱世味道，其賣點是頂級本地手切鮮牛肉，更可揀選不同部位，同時其象拔蚌刺身亦是熱門食物，上枱十分大盤啱晒打卡。
而文成記亦有唔少刁鑽食材如牛脷托、牛波子、牛鞭、豬腦、鴨粉腸等，雖然冇乜裝修，但食材新鮮價錢相宜，同朋友一齊啤啤佢就啱晒。
地址：大角咀角祥街41號地下
電話：23922242
營業時間：18:00 - 22:00
4.尚上下夏
而家打邊爐，點少得雞煲？位於尖沙咀的「尚上下夏」就主打雞煲火鍋，仲有瑤柱群翅雞湯、足料龍蝦湯等選擇。食完雞煲就可以加入唔同湯底，惹味同時又可養生。
「尚上下夏」最近仲搞搞新意思，推出「芫茜牛肉卷」，一塊牛包住一大紮芫茜，「芫茜黨」不容錯過，仲有鮮蝦芫荽燒賣，一樣「茜味」濃郁。而鬼馬墨魚亦是熱點單品，油炸鬼上釀墨魚滑，口感特別，唔係間間舖有，裝修充滿大排檔風味，氣氛啱晒跟老友盡情暢飲！
地址：尖沙咀山林道23號地下
電話：24702668/65801150
營業時間：16:00 - 00:00
▲ 即 Like Goodeal 早早鳥 專頁
▲ Follow Instagram @goodeal.hk 觀看精選內容
