放假唔知可以帶小朋友去邊到玩好？一於就帶小朋友去室內遊樂場玩喇，小朋友可以盡情「放電」之餘，冬更又唔使喺室外凍親，可以舒舒服服咁睇住小朋友玩得盡興。
GOODEAL搜集咗幾間唔同嘅親子室內遊樂場，等大家睇下邊間適合你同你嘅小朋友去享受下親子樂！
相關文章：親子好去處 ｜盤點13個大面積免費室內遊樂場 冬天唔怕凍親！
親子室內遊樂場推薦1. 荔枝角｜ 佔地接近10000呎｜ Wonder Valley
近期喺荔枝角有一間室內兒童遊樂場新開幕，佔地近10000呎，分咗7個唔同嘅主題區域，例如童話區就有波波池、滑梯及攀爬管道，夢幻小鎮區就有跳彈床、積木滑梯等。最特別嘅係Wonder Valley 更設有2條冰壺地板賽道，可以讓小朋友體驗平日只會喺冬奧見到嘅運動。
年紀較細嘅小朋友更可以去樂器區、旋轉木馬區同埋七彩沙池玩，無論幾多歲嘅小朋友都總會搵到合適佢哋嘅區域。
Wonder Valley
地址：長沙灣廣場3樓、312 - 317號舖
營業時間：星期一至日早上11時至下午8時（個別日子可能進行清潔／包場）
價錢：星期一至五（一位成人及小朋友 會員價：$80／一小時 非會員:$100/一小時）
星期六日及公眾假期（一位成人及小朋友 會員價：$100／一小時 非會員：$140／一小時）
Facebook：https://www.facebook.com/wondervalley.hk
親子室內遊樂場推薦 2. 沙田新城市廣塲 ｜新加坡得獎最大型兒童室內遊樂場｜ Kiztopia
唔方便帶小朋友去旅行？唔緊要，新加坡最大型親子遊樂中心落動沙田新城市，就係2021年度新加坡旅遊局最佳景點體驗獎得主－Kiztopia。
Kiztopia 佔地12000呎，並分咗15個遊樂體驗區域，其中必玩嘅係，設有8條巨型滑梯嘅攀爬區，最長的滑梯更有四米高。此外設有障礙遊戲，跳彈床、化妝間、汽車維修工場以及長達6米的積木遊戲牆，無論係活潑好動定係文靜的小朋友都總會有吸引到佢哋嘅體驗區。
Kiztopia更設有多種原創卡通角色，造型十分可愛，無論係小朋友定係大人打卡都非常合適。
Kiztopia Hong Kong
地址：沙田新城市廣場1期LB層08-09號店
營業時間：星期一至日 早上10時至晚上10時
價錢：星期一至四（一位成人及小朋友 $158／一小時，$228／兩小時）
星期五至日（一位成人及小朋友 $208／一小時，$298／兩小時）
Facebook：https://www.facebook.com/kiztopiahk
親子室內遊樂場推薦 3. 港島西環西寶城 ｜迷你賽車比賽 足球井字過三關 ｜Sooper Yoo
位於西環西寶城的Sooper Yoo於今年九月尾才新開張，佔地10000呎，Sooper Yoo設有巨型繩網陣，陣內有多款不同類型的障礙物，滑梯以及鞦韆等等遊樂設施。更設有無論大人還是小朋友都適合遊玩的區域。最特別的是Sooper Yoo 設有迷你賽車、動物賽跑、足球過三關等等的競技游玩設施。
此外，Sooper Yoo更有VR體驗以及小主播體驗，讓小朋友在綠幕面前進行錄製節目，發掘小朋友對拍攝的興趣。
Sooper Yoo
地址：香港堅尼地城卑路乍街8號西寶城一樓
營業時間：星期一至日 10:00 – 19:30 最後入場時間為17:30
價錢： 星期一至五（一位成人及小朋友 $250／兩小時）星期六日及公眾假期（一位成人及小朋友$ 320／兩小時）
每節開始時間
10:00 | 12:30 | 15:00 | 17:30 （每節2小時）
所有訪客進入樂園必須穿著防滑襪，4歲至17歲的訪客進入樂園必須穿著於樂園或樂園網站購買的Sooper Yoo 防滑襪（港幣$30/對）方可進場。
Facebook：https://www.facebook.com/sooperyoo
親子室內遊樂場推薦 4. 港九新界3間分店 | 玩電動車、手攪船、電動飛機 | 百田遊園
最後介紹嘅親子室內遊樂場百田遊園已經成立咗10年，而家仲推行緊10週年優惠。百田遊園三間分店分佈港九新界各地，香港島的銅鑼灣，九龍的佐敦以及新界的屯門都設有分店。而每間唔同嘅分店都有特別的獨立遊樂設施。
銅鑼灣店有電動飛機，小朋友可以坐喺飛機形狀的小型電動車上駕駛，感受做小機師的樂趣。佐敦店則有沙池，配上迷你剷泥車。而屯門店則設有電動車和手攪船，小朋友可以在迷你水池上自由穿梭。每間分店當然都設有吹氣玩樂區，兒童彈床、兒童主題玩具室等，讓小朋友可以自由玩耍。
百田遊園
地址：
屯門店：屯門愛定商場A區3樓A301A,302-304
銅鑼灣店：銅鑼灣皇室堡13樓1301-1305號
佐敦店：尖沙咀彌敦道219號莊士倫敦廣場2樓
營業時間：星期一至星期日上午11時至下午9時
價錢：現正舉行10週年優惠，每間分店價錢不同，詳情請瀏覽百田遊園網頁
網址：https://realexperteshop.com/
▲ 即 Like Goodeal 早早鳥 專頁
▲ Follow Instagram @goodeal.hk 觀看精選內容
