WhatsApp是香港人最流行的即時通訊應用程式，全球有數十億的用戶。但卻不是人人都知道WhatsApp有一些隱藏功能，可以令你的使用體驗更好更加方便，你有冇「用盡」WhatsApp呢？一起來看看這些WhatsApp隱藏功能吧。
WhatsApp隱藏功能1.
更改電話號碼
近年都唔小香港人移民式移居外地，本地電話號碼都冇用，咁樣係咪WhatsApp戶口都冇埋？不過其實WhatsApp係可以換電話號碼！只要進入「設定」、「帳戶」、「變更號碼」，輸入舊號碼及新號碼，WhatsApp就會傳送認證碼去新號碼啦！完全認證就可將資料過戶至新號碼！
WhatsApp隱藏功能2.
重要訊息標誌星號
香港有邊個打工仔冇返十幾廿個工作WhatsApp Group？一日咁多Message，真係睇都未必睇得切，有時仲會好難搵返啲工作重要訊息！其實WhatsApp可以用星號標記重要訊息，只要長按訊息，上方就會出現星號，你就可以標記重要訊息！想睇返只需於右上角的「星號訊息」就搵到！
WhatsApp隱藏功能3.
分享實時位置
而家全面開關，酒吧都開返晒，周末難免同朋友落吧蒲下，唔想下下電話同屋企人或男友女友報到，最好就係將自己位置直接Send俾親友，可以Set指定時間自動分享自己位置。
在手機的設定 > 應用程式與通知 > 進階 > 應用程式權限 > 位置 > 開啟 WhatsApp 中，啟用WhatsApp的位置權限。
在WhatsApp點擊「附加」> 位置 > 分享實時位置，就可以調較分享位置的時間了！
WhatsApp隱藏功能4.
群組私下回覆功能
一大班人喺群組講嘢，有時唔想咩都喺「公海」講，又只想覆特定人士，就可以用私下回覆功能，只要長按想回覆嘅留言，右上角就會有「私下回覆」可按，訊息內容就會喺對方嘅私人信息頁面開啟啦！
WhatsApp隱藏功能5.
加粗體、斜體、刪除線
有重要訊息想喺群組「突圍而出」？可以加粗或鈄體突出自己！想將字變粗體，可在文字前後加星號「*」；想將文字變斜體，就於文字前後加下劃線「_」；如果想變成刪除線，就喺文字前後加波浪線「~」就OK啦！
WhatsApp隱藏功能6.
預設自動刪除訊息
如果唔想Message一直留底，其實WhatsApp有「自動刪除訊息」功能，只要啟動功能，新訊息就可以選擇於24小時、7 日、90 日後消失。於「設定」中選擇「私隱」，就會看到「自動刪除訊息」，而如果群組對話當中，就只有群組管理員可以開啟諗功能。
WhatsApp隱藏功能7.
閱後即焚
WhatsApp都有像IG或SnapChat的「閱後即焚」模式，只要選擇圖片或影片，右邊都會有一個「1」字圖示，按下就會有「閱後即焚」效果，對方收到要按後才打開照片，檢視後就會自動刪除。
WhatsApp隱藏功能8.
加速聽錄音
相信不少長輩都喜歡用錄音代替打字，但有時難免有些長氣，甚至錄成幾分鐘又講唔到重點，要聽晒真係有啲煩！呢個時候就開啟錄音側邊的加速播放錄音功能，2倍速聽晒佢！
WhatsApp隱藏功能9.
原圖保留傳送
眾所周知WhatsApp Send相會自動壓縮圖檔，但有時影咗靚相都想要解像度高啲，其實只要你用「文件」而唔係「圖片」去傳送，就可以原圖傳送架啦！不過對方就冇得預覽圖片喇！
WhatsApp隱藏功能10.
自訂群組私隱功能
近年真係多咗好多網上騙案！相信唔少人都試過無啦啦被陌生人拉入一啲賭博、傳銷、搵工WhatsApp群組！其實WhatsApp有個私隱設定，去「設定」內的「私隱」，點入「群組」，就可以選擇只限聯絡人才可以新增自己進群組，咁就唔使成日入咗啲奇怪群組！
▲ 即 Like Goodeal 早早鳥 專頁
▲ Follow Instagram @goodeal.hk 觀看精選內容
