香港人搵食，除咗睇雜誌睇IG，而家唔少人會入「XX關注組」，睇下街坊分享不為人知地道美食，「香港米線關注組」是知名的關注組之一，近期「米線關注組」的大熱推薦，是旺角的「天星雲南米線」，網民狂推其酸麻辣湯底是「神級」，真係咁好食？
按此看天星米線圖片
[More Images]
先講講酸麻辣湯底，叫了酸麻辣（小辣）大腸萵筍薯粉，辣度都已經幾強勁，由於「酸」、「麻」、「辣」集一身，食落口先是酸，及後舌頭開始有麻的感覺，但樣樣都重口味之下，其實食不出重點，而且只有麻味，卻完全沒有藤椒油的麻香，辣味亦相當普通，薯粉亦有點過淋，湯底算是相當普通。不過滷豬腸夠入味冇異味，口感亦腍，萵筍亦夠爽口。
反而胡椒豬肚湯底帶甜味幾好飲，胡椒湯亦不會過於嗆喉，冬天食夠暖身。而「金沙骨」亦是網民必點項目，即叫即炸一放入口勁辣咀，而雖然叫金沙骨，但部位是近似豬扒帶小小骨的部份，加上孜然粉夠惹味，$50有5件算是超值之選。
不過總括而言，天星的酸麻辣湯底味道並不特別，可能關注組中不少人喜好吃重口味米線，而天星的水準似乎也不甚穩定，未知是否太多人慕名而去令水準下降，而且餐廳衛生和環境也十分一般，路過肚餓可以一試，特地坐車去朝聖就似乎不必。
天星雲南米線
| 地址 | 旺角砵蘭街136號地舖 |
| 時間 | 12:00 - 22:00 |
| 電話 | 28911681 |
▲ 即 Like Goodeal 早早鳥 專頁
▲ Follow Instagram @goodeal.hk 觀看精選內容
