男女大不同，擇偶條件也差天共地，但一向以為男士揀女友只會「睇樣睇身材」似乎太天真，連登討論區近月有人出Po問「介唔介意女朋友冇讀大學？」，反應熱烈，投介意及不介意的網民比率勢均力敵，看來女朋友學歷，都是男士擇偶條件之一？看看網民們的意見吧！
雖然投票上兩邊都是2千多票，但表示介意的網民，留言比例顯然多很多，例如：
「冇讀仲好，讀過啲女特別麻煩」、
「介意，就係呢個入學率超高嘅年代都入唔到大學」、
「啲MK妹好鍾意睇垃圾心靈雞湯，好煩」、
「通常讀過大學嘅，諗嘅嘢都唔同」、
「幾靚幾識keep，30幾歲打後咪又係咁，到時人哋個老婆已經有返咁上下事業」等等等等。
| 女仔冇外在條件，又真係難啲吸引人！去Ace Club Fitness操Fit自己，仲可能識到志同道合嘅朋友，GOODEAL會員一堂專業Kick Boxing 只需$345咋，登入即搶，成就更Fit嘅自己！ |
通常表示介意一方，都會將大學學歷等同眼界、智慧，認為伴侶之間不能只有吃喝玩樂，要有深度對話，例如：
「唔係話學歷高一定有深度有內涵識多啲野，但比例上一定多啲」、
「試過approach 一啲得中學畢業嘅女，果種無知mk真係搞唔掂，唔係話睇學歷，其實係睇溝唔溝通到」、
「有學識內涵嘅女仔會令大家都進步，溝通都舒服好多，比人感覺蠢唔緊要，唔好真係蠢」。
亦有人看成另一半是將來教育子女及經濟地位重要一環，所以學歷十分重要，如：
「就算唔講先天，後天識唔識教都好重要，連功課、英文都教唔到，真係害死個細路」、
「就算唔係大學，專業人士如護士，有返個大專學歷，可以教到仔女功課，有人同自己分擔到經濟收入壓力已經差好遠」。
而表示不介意的，指學歷跟收入無關：
「待人接物為人處事緊要啲囉，大把大學生人工都搵得萬幾蚊」、
「男揀女淨係睇樣同身材」、
「學歷唔係稀缺資源，美貌係，不論男女」、
「搵到信真心錫你會體諒自己嘅女人都萬中無一」
亦有不少「中間派」網民表示，揀選最終伴侶是看性格：「最緊要有學識同有內涵，好多人有學歷都冇以上兩者，亦都好多人係相反」、「係價值觀接唔接近嘅問題，性格夾唔夾嘅問題」有人提出有能力讀大學，就表示她有解難能力以及目標，但同時沒讀大學也可以是自己的選擇，不代表她沒有目標，但這種人出現的機率相當低，所以用學歷作為篩選也無不可，大家又認為怎樣呢？
▲ 即 Like Goodeal 早早鳥 專頁
▲ Follow Instagram @goodeal.hk 觀看精選內容
